User manual

16.3 Lloji dhe sasia e
detergjentit
Zgjedhja e detergjentit dhe përdorimi i
sasive të duhura jo vetëm që ndikon te
performanca në larje, por ndihmon
gjithashtu edhe në shmangien e
mbetjeve dhe mbrojtjen e mjedisit:
• Përdorni vetëm detergjente dhe
trajtime të tjera të prodhuara
posaçërisht për lavatriçe. Së pari,
ndiqni këto rregulla të përgjithshme:
– detergjentet në trajtë pluhuri për
të gjitha llojet e rrobave, duke
përfshirë delikatet. Preferohen
detergjente pluhur që përmbajnë
zbardhues për higjienizimin e të
bardhave dhe rrobave të palara,
– detergjentet në trajtë lëngu,
mundësisht për programe me
temperatura të ulëta (60 °C
maksimumi) për të gjitha llojet e
rrobave ose të posaçme vetëm
për të leshtat.
• Zgjedhja dhe sasia e detergjentit
varen nga: lloji i tekstilit (delikate, të
leshta, pambuk etj.), ngjyra e rrobave,
madhësia e ngarkesës, niveli i
ndotjes, temperatura e larjes dhe
fortësia e ujit të përdorur.
• Ndiqni udhëzimet që gjeni tek
ambalazhi i detergjenteve ose
trajtimeve të tjera pa tejkaluar nivelin
e treguar maksimal (
).
• Mos i përzieni llojet e ndryshme të
detergjenteve.
• Përdorni më pak detergjent, nëse:
– po lani një sasi të vogël rrobash,
– rrobat nuk janë shumë të ndotura,
– formohet shumë shkumë gjatë
larjes.
• Kur përdorni tableta ose bustina
detergjenti, gjithmonë futini brenda në
kazan, jo në folenë e detergjentit.
Detergjenti i pamjaftueshëm mund të
shkaktojë:
• rezultate të pakënaqshme larjeje,
• ngarkesa e larjes bëhet gri,
• rroba me yndyrë,
• myk në pajisje.
Detergjenti i tepërt mund të shkaktojë:
• prodhim të tepërt shkume,
• efekt larjeje të reduktuar,
• shpëlarje të pamjaftueshme,
• ndikim më të madh në mjedis.
16.4 Këshilla ekologjike
Për të kursyer ujin, energjinë, si dhe për
të ndihmuar në mbrojtjen e mjedisit,
rekomandojmë të ndiqni këto këshilla:
• Rrobat me ndotje normalemund të
lahen pa paralarje për të kursyer
detergjent, ujë dhe kohë (duke
mbrojtur gjithashtu dhe mjedisin!).
• Mbushja e pajisjes deri në
kapacitetin maksimal që tregohet
për secilin prej programeve,
ndihmon në reduktimin e energjisë
dhe konsumit të ujit.
• Me trajtim të përshtatshëm paraprak,
mund të hiqen njollat dhe ndotja deri
në një farë shkalle; rrobat pastaj
mund të lahen në temperaturë më të
ulët.
• Për të përdorur sasinë e duhur të
detergjentit, shikoni sasinë e
sugjeruar nga prodhuesi i detergjentit
dhe kontrolloni fortësinë e ujit të
sistemit tuaj shtëpiak. Shikoni
paragrafin “Fortësia e ujit”.
• Caktoni shpejtësinë maksimale të
mundshme të centrifugimit për
programet e zgjedhura për kursimin e
energjisë gjatë fazës së tharjes!
16.5 Fortësia e ujit
Nëse fortësia e ujit në zonën tuaj është e
lartë ose mesatare, rekomandojmë që të
përdorni zbutës uji për lavatriçe. Në
zonat ku uji është i butë nuk nevojitet
përdorimi i zbutësit të ujit.
Kontaktoni me autoritetet lokale të
ujësjellësit për të mësuar fortësinë e ujit.
Përdorni sasinë e duhur të zbutësit të
ujit. Zbatoni udhëzimet që gjeni tek
ambalazhi i produktit.
SHQIP 35